خالتي خبيثة ومتسلطة وتحرض أمي علي

[مشكلتي]

السلام عليكم
انا بنت عمري 25 سنه عندي 3 أخوات وأخ واحد فقط وحالتنا الماديه أقل من وسط الحمدالله ع كل حال مشكلتي أن عندي خاله متسلطه وخبيثه ودايما تعبي برأس امي وتحرضها علينا المشكله أن أمي تسمعلها وتجي تكرهنا ف عيشتنا المهم تقدم لي عريس زوج بنت خالتي الي جابه وخالتي وبنتها كل يوم يتصلو ع أمي عشان يقنعوها وانا امي كلمتني ورفضت عشان الرجال عمره 48 سنه وحالته الماديه تعبانه وفوق كل ذا يقولو عنة بخيل مره بس خالتي وبنتها مصرين يزوجوني الرجال ذا وانا رفضت رفض قاطع و راحو اقنعو أمي بخطة عشان أخاف و أوافق فعلا أمي جت تتهمني أني أكلم واحد خريج سجون ومدمن وإني ع علاقه معه وأبوي عرف بالموضوع ويبي يذبحني وعشان كذا لازم أوافق عشان يستر علي لأن محد رح يقبلني انا وأبي م نكلم بعض من سنتين بسبب خلاف حصل بيننا المهم رجعت رفضت وحلفت بالقران اني م أكلم حد كيف امي تسوي كذا معي لدرجه ذي م يهمها بنتها ولما رفضت طبعا خالتي م عجبها الكلام ذا بعد فتره كنت مريضة جداا وجت امي وجابت لي قميص طويل وقالت لي البسي ذا وخذي بنطلون من عندك والبسيه معه وسوي حلى وقهوه العصر ف ناس جايين يشوفوكي تخيلو واخواتي محد قال لي حرف ولا أدري ع شي وانا اصلا مريضة ومتبهدله وطبعا صارخت عليها وتخاصمت معها من يومها وأمي حاقدة علي والحين اشتغلت ف محل أسر منتجة وكل يوم اتعب وسوي واودي المحل بنفسي كل يوم اروح مشي مع الصحون بالشمس وسويت لي حصالة وجمعت فيها 300 ريال وقالت لي هاتي الحصاله وكل الفلوس الي معك تبي تشتري فيهم جوال وتكلمي عيال عشان كذا رفضتي العريس انا جوالي من 2016 أخواتي كل فتره يغيرون إلا أنا م يعطوني ريال والحين اختي مسكت الشغل وكل الفلوس هما يأخذونها وكل المواد انا جبتها من فلوس تعبي هما اخذوها وأختي مبسوطة جدا بالشغل وانا حالتي حاله وكل يوم ابكي باليل ولما يشوفوني ابكي يضحكون و أولهم أمي ايش الحل معاهم وش اسوي بحياتي بديت أفكر بالانتحار نفسيتي تعبت جدااا طول اليوم سب وشتايم واهانات حتى اخوي الصغير م عاد يحترمني مالي أي قيمه بالبيت ابي أعطيها الحصاله واريح راسي ولا ابي جوال ولا ابي شي بس ابي أعيش مرتاحة بس كل يوم تطلع لي بمشكله جديده ايش الحل؟

[همس الروح]

اهلا بك يا اختي
انتي لست صغيرة انتي شابة ولديكي قدرات ممتازة، وبالطبع الحق ليس على خالتك هي مثل الشيطان الوسواس الخناس والذي ان وجد بيئة ليبث سمه فيها هي وجدت عند امك اذن صاغية وجدت ان تاثيرها السلبي ينفع ولهذا لا تلومي خالتك بل يجب ان تعرفي ما مشكلة امك وتعرفي كيف تتعاملي معها.
لهذا قولي لخالتك بطريقة لطيفة وحاسمة انك تحبينها وتعرفين انها تتمنى الخير لك ولكن الزواج قسمة ونصيب وموافقتك امر ملزم ليكون عقد شرعي صحيح لا تقلقي هي بامركم ولتهتم بنفسها وبناتها فقط.
ومن ثم يجب ان تبدأي بتغيير طريقة تعاملك مع امك واعلمي ان الزواج قسمة ونصيب فلا تخافي ولا تحلفي لاحد بانك عفيفة وشريفة الله يعرف ما في سرك، وانتي من تعرف نفسها.
وليس كل من كان معها جوال يعني انها لا سمح الله تكلم شباب او عاطلة، احذري هذا الحكم السلبي وغير الصحيح هو غلط التعميم المتسرع.
والان انت تعملين ولا يجوز ان تأخذ اختك المال انتي من بدأ بالعمل والا فاتركيه، كوني قوية ومؤدبة واعرفي كيف تحاورين.
واعرفي كيف تستعيدين حقك، لا تكوني سلبية تخسري كل امر، بل كوني ايجابية واكسبي كل من حولك، واكسبي الناس لصفك.
تفائلي وابتسمي وامني بالله بانه الرزاق الكريم ومن عنده يأتي الفرج اكثري من الدعاء وتشجعي على بعض المواقف الايجابية وكوني اكثر ثقة بنفسك، وبالنسبة للعمل يجب ان تجدي طريقة لتأخذي حقك وتحفظيه بعيدا عن اهلك بل ولا تخبري اين تحتفظين بمالك ولا اين ذهبتي بيه
اختي انتي واعية وكبيرة ولست طفلة.
ولا تسمحي لاحد بالسيطرة عليكي، تفاهمي مع اختك بذكاء وبحوار هادف، وضعي معها عقد ملزم توقعه كل منكما واعرفي اين حقك، وان شاء الله ربنا يرزقك الزوج الصالح الذي يسعدك اكثري من الدعاء، واعيدي ترتيب امورك وضعي كل النقاط وابداي بحلها وربي يوفقك